Mufindi FM
  Stream radio
Menu
Mufindi FM
  2. Uwekezaji
  3. Mufindi yatajwa kuwa eneo la kimkakati kutekeleza Dira ya Taifa 2050

Mufindi yatajwa kuwa eneo la kimkakati kutekeleza Dira ya Taifa 2050

19 October 2026, 1:55 pm

Naibu Waziri wa Nchi, Ofisi ya Rais – Mipango na Uwekezaji, Dkt. Pius Chaya, akizungumza na Mkuu wa Wilaya ya Mufindi, Dkt. Linda Salekwa, wakati wa Maonesho ya Mufindi Investment Forum and Expo 2026. Picha na Christon Ngoloki

Wilaya ya Mufindi inasifika kwa ardhi yenye rutuba inayofaa kwa kilimo cha mazao mbalimbali, hali inayoifanya kuwa eneo lenye fursa nyingi za uwekezaji zinazoweza kuchochea ukuaji wa uchumi wa wananchi na Taifa kwa ujumla

Na Jumanne Bulali

Naibu Waziri wa Nchi, Ofisi ya Rais, Mipango na Uwekezaji, Dkt. Pius Chaya, amesema Wilaya ya Mufindi ni miongoni mwa maeneo ya kimkakati katika kufanikisha utekelezaji wa Dira ya Maendeleo ya Taifa ya mwaka 2050, akiwataka wawekezaji na wafanyabiashara kutumia fursa zilizopo kuchochea ukuaji wa uchumi.

Dkt. Chaya ameyasema hayo, alipomwakilisha Waziri wa Nchi, Ofisi ya Rais, Mipango na Uwekezaji, Prof. Kitila Mkumbo, katika ufunguzi wa Maonesho ya Mufindi Investment Forum and Expo 2026, yanayofanyika Mafinga Mjini, mkoani Iringa…..maonesho 01….

Sauti ya naibu waziri Pius Chaya

Kwa upande wake, Mkuu wa Wilaya ya Mufindi, Dkt. Linda Salekwa, amesema maonesho hayo yanaunga mkono utekelezaji wa Dira ya Taifa kwa kutangaza fursa za uwekezaji na kuhamasisha maendeleo endelevu. Naye Mbunge wa Vijana kutoka Iringa, Jasmine Ng’umbi, amewataka vijana kutumia maonesho hayo kujipatia fursa za kiuchumi na kuongeza kipato….maonesho 02….

Sauti ya mkuu wa wilaya Dkt Linda Salekwa

Maonesho hayo yenye kaulimbiu ya “Connect, Invest and Grow” (Unganisha, Wekeza na Kua Kiuchumi), ni ya siku tano kuanzia Oktoba 16 hadi 20, 2026.