Wakulima Pemba watakiwa kulima kilimo hai

30 November 2024, 11:54 am

Wakulima kisiwani Pemba wameshauriwa kujikita kwenye  kilimo hai  kwani ni rahisi na kinasaidia kuondokana na umasikini na kuleta mafanikio kiuchumi

Wakizunguma na Mkoani FM, wakulima  Bi Salama Omar na Zainab Rajab wamesema kilimo hicho mali ghafi zake ni rahisi ukilinganisha na kilimo kingine  na kinalinda afya zao kutokana na kutotumia mbolea zenye sumu hali inayopelekea kujipatia kipato kwa haraka.

Bwana Shamba kutoka Milele Zanzibar Foundation Abdallab Omar Sheha amesema kilimo hai kinasaidia kulinda ardhi kutokana na athari ya mabadiliko ya tabianchi.

Mkuu wa Idara ya Kilimo na Uhakika wa Chakula Bi. Asha Omar Fadhili  amesema mtazamo wa Serikali ya Mapinduzi ya Zanzibar ni kuhamasisha wakulima  kulima kilimo hai ili kupunguza utumiaji wa  kemikali kwenye mazao na kulinda afya za walaji.