Jamii Butiama yaonywa ukatili wa kijinsia

12 April 2026, 11:50 am

“Ukatili wa kiuchumi ni kuwa kama mimi nimeoa mwanamke ambaye ni mfanyakazi lakini nikamzuia kufanya kazi kwa ajili ya kulea watoto nyumbani na nikasema mimi baba nitahudumia kila kitu maana yake nimemkatili mke wangu kiuchumi’‘ Charton Lambati kutoka Dawati la Jinsia Wilaya ya Butiama

Na Amos Marwa

Jamii wilaya ya Butiama imeonywa kuhusu uwepo wa wimbi la ukatili wa kijinsia ikiwemo ukatili kwa watoto, ukatili wa kiuchumi na ukatili wa kingono ili kuleta usawa wa kijinsia na kupunguza madhara yatokanayo na ukatili wa kijinsia ikiwemo msongo wa mawazo na kuongezeka kwa watoto wa mitaani.

Hayo yamebainishwa na afisa kutoka dawati la jinsia wilaya ya Butiama Charton Lambati wakati akizungumza na Butiama FM kuptia kipindi maalum kuhusu ukatili wa kijamii na kuitaka jamii kwa ujumla kutengeneza usawa kulinda watoto na kuacha ukatili wa kijinsia.