Butiama FM Radio

Butiama: wananchi wa mabondeni waonywa, watakiwa kuhama mara moja

18 November 2026, 11:25 am

Mkuu wa wilaya ya Butiama, Thecla Mkuchika akizungumza wakati wa baraza la madiwani kuhusu wananchi wanaoishi mabondeni. Picha na Yunis Himidi

Mkuu wa Wilaya ya Butiama, Thecla Mkuchika, amewataka wananchi wanaoishi mabondeni kuhama mara moja na kwenda maeneo salama kujikinga na athari za mvua kubwa, huku akiwataka madiwani kuimarisha utoaji wa elimu ya tahadhari na usimamizi wa miradi ya maendeleo.

Na Amos Marwa

Mkuu wa Wilaya ya Butiama, Thecla Mkuchika, amewaonya wananchi wanaoishi maeneo ya mabondeni kuhama mara moja na kwenda maeneo salama ili kuepuka athari zinazoweza kusababishwa na mvua kubwa zinazoendelea kunyesha.

Akizungumza wakati wa Baraza la Madiwani la Halmashauri ya Wilaya ya Butiama, Mkuchika amewataka madiwani kuendelea kutoa elimu kwa wananchi kuhusu tahadhari ya mvua za El Nino zilizotangazwa na Mamlaka ya Hali ya Hewa Tanzania (TMA).

Sauti ya Mkuu wa Wilaya ya Butiama, Thecla Mkuchika

Aidha, amesisitiza umuhimu wa wananchi kuzingatia tahadhari zinazotolewa na mamlaka husika na kuepuka kuishi au kuendelea na shughuli katika maeneo hatarishi wakati huu wa mvua.

Sehemu ya Madiwani waliohudhuria baraza la madiwani wilaya ya Butiama.Picha na Yunis Himidi