Watu 14 wafariki kwenye ajali ya gari Tabora

7 November 2024, 7:24 pm

Wananchi wamesisitizwa kupaza sauti pindi wanapoona madereva wanahatarisha usalama wao kwa kutozingatia sheria za usalama barabarani

Zaituni Juma

Watu 14 wamefariki dunia na wengine 9 kujeruhiwa kwenye ajali ya barabarani iliyohusisha gari ya abiria aina ya Toyota Hice yenye namba za usajili T. 562 DGG na gari kubwa aina ya Fuso yenye namba za usajili T.361 CSB.

Kamanda wa Polisi Mkoa wa Tabora Kamishna msaidizi wa Polisi Richard Abwao amethibitisha kutokea kwa ajali hiyo ambapo amesema chanzo cha ajali hiyo ni ni uzembe wa deAreva wa gari ndogo ya abiria aliyejaribu kulipita lori.

Amesema ajali hiyo imetokea katika kijiji cha Mwasengo kata ya Itobo wilayani Nzega mkoani Tabora

SACP Richard Abwao ametoa wito kwa madereva kuendelea kuheshimu sheria za usalama barabarani.