RC Chacha awataka watumishi kuwatendea haki wananchi

19 March 2024, 4:20 pm

watumishi mkoani Tabora wametakiwa kufanya kazi kwa bidii huku wakiwatendea haki wananchi.

Na Zaituni Juma

Mkuu wa Mkoa wa Tabora Paul Chacha amewataka watumishi mkoani hapa kuuthamini umma wanao uongoza.

Ametoa rai hiyo mara baada ya kuwasili katika ofisi ya Mkuu wa Mkoa ikiwa ni sehemu ya mapokezi yaliondaliwa na watumishi wa ofisi yake.

Akizungumza kwa niaba ya vyombo vya usalama kamanda wa Jeshi la zimamoto na uokozi mkoa wa Tabora SACF Mohamed Shauri amesema jamii ina matarajio makubwa na kiongozi huyo mpya wa mkoa.

Kwa upande wake Mbunge wa Jimbo la Igalula Venant Daud amesema wabunge wa Tabora watampatia ushirikiano katika Nyanja mbalimbali.

Naye Mstahiki Meya wa Manispaa ya Tabora Ramadhan Kapela amesema kwamba Serikali inauangalia mkoa wa Tabora kwa jicho zuri na kufikia hatua ya kuwapandisha hadhi watumishi wengi waliokuwa ngazi za chini.