Mwili wa aliyefariki kwa kushindwa kulipa 150,000 ya matibabu waagwa

19 December 2024, 6:53 pm

kufuatia tukio hilo Mkurugenzi Mtendaji wa Halmashauri ya wilaya ya Babati Benedict Ntabagi amewasimamisha kazi watoa huduma wa tatu wa kituo cha afya cha magugu akiwemo  Afisa Tabibu,Afisa Muuguzi msaidizi na Mteknolojia wadawa kwa kushindwa kutekelekeleza majukumu yao ipasavyo ili kupisha uchunguzi wa tukio hilo.

Na Hawa Rashid

Mwili wa mwanamke  aliyeng’atwa na  nyoka  na kufariki katika kituo cha Afya cha Magugu  kwa kushindwa kulipa kiasi cha shilling 150,000 Juliana Obed umeagwa jana usiku nyumbani kwake katika kitongoji cha majengo kijiji cha Magugu wilayani Babati mkoani Manyara na kuzikwa leo  Dember 19 Tarafa ya Elerai kata ya Terat mkoani Arusha.

Akizungumza kwa niaba ya familia shemeji wa marehemu  Goodluck Laizer amesema wanazika leo katika makaburi ya familia mkoani Arusha  ambapo ameiomba serikali ikemee  kwa kina jambo hilo  na wasifumbe macho kwakua watu wengi  wanapoteza maaisha  kutokana na uzembe unaotokea.

Kwa upande wake mwenyekiti wa kijiji cha Magugu Loya Amosi  amesema anachoomba idara zote za Afya zilizopo ngazi ya kijiji hicho kila mmoja abadilike na wasifanye kazi kwa mazoea  kwakua hata mvumilia mtumishi wa aina yoyote atakaye fanya uzembe,

Nao baadhi  ya wananchi wa kijiji cha magugu wamelaani tukio hilo  nakusema watumishi wa kituo cha Afya cha Magugu wamekuwa wakiwanyanyasa  nakutowatendea haki wanapokwenda kupata matibabu wanakuwa hawana uangalizi mzuri  na badala yake wamekuwa wakifanya shughuli zao.

Aidha kufuatia tukio hilo Mkurugenzi Mtendaji wa Halmashauri ya Wilaya ya Babati Benedict Ntabagi amewasimamisha kazi watoa huduma wa tatu wa kituo cha afya cha Magugu akiwemo  Afisa tabibu,Afisa muuguzi msaidizi na Mteknolojia wadawa kwa kushindwa kutekelekeleza majukumu yao ipasavyo ili kupisha uchunguzi wa tukio hilo.