FM Manyara
  Stream radio
Menu
FM Manyara
  2. Afya
  3. Wanawake Babati watoa msaada kwa watoto njiti

Wanawake Babati watoa msaada kwa watoto njiti

4 March 2025, 6:22 pm

Kuelekea maadhimisho ya Siku ya Wanawake Duniani Machi 8 mwaka huu, wanawake wa Halmashauri ya Mji wa Babati mkoani Manyara wametoa  misaada kwa watoto njiti.

Na Mzidalfa Zaid

Kuelekea maadhimisho ya siku ya wanawake duniani Machi 8 mwaka huu, wanawake wa Halmashauri ya Mji wa Babati mkoani Manyara wametoa  misaada kwa watoto njiti katika hospitali ya rufaa ya  mkoa wa Manyara na hospitali ya mji wa Babati (Mrara).

Akizungumza baada ya kukabidhi misaada hiyo kwa niaba ya wanawake wa Halmashauri ya Mji wa Babati, afisa maendeleo ya jamii na mratibu dawati mtambuka halmashauri ya mji wa Babati Ivetha Qamara, amesema wametoa msaada huo ili kuwasaidia watoto wanaozaliwa kabla ya miezi tisa.

Sauti ya afisa maendeleo ya jamii na mratibu dawati mtambuka halmashauri ya mji wa Babati Ivetha Qamara.

Kwa upande wake katibu wa hospitali ya rufaa mkoa wa Manyara pamoja na madaktari wa watoto kutoka hospitali ya Mrara wamewashukuru wanawake hao kwa kuonyesha upendo watoto hao ambao wanahitaji uangalizi.

Sauti ya viongozi wa hospitali ya mkoa na hospitali ya mji wa Babati

Aidha, baadhi ya wazazi ambao wamepewa misaada hiyo wameomba taasisi zingine na makundi mbalimbali kuiga mfano huo wa kuwasaidia watu wenye uhitaji  ambapo wamesema misaada hiyo itawasaidia katika kuendelee kuwalea watoto wao.

Sauti za wazazi

Maadhimisho ya siku ya wanawake ngazi ya mkoa yatafanyika machi 5, 2025, mwaka huu katika halmashauri ya wilaya ya Mbulu kauli mbiu ikisema wanawake na wasichana 2025, tuimarishe haki, usawa na uwezeshaji.