Watatu wauawa akiwemo mama mjamzito Manyara

15 March 2024, 11:27 pm

Polisi Manyara inamshikilia  Ahita Dahachi (42), kwa tuhuma za kumuua mama yake mzazi na mama mjamzito.

Na Mzidalfa Zaid

Jeshi la Polisi mkoani Manyara linamshikilia  mtu mmoja aliyefahamika  kwa jina la Ahita Dahachi (42), kwa tuhuma za kuwaua watu watatu akiwemo mama yake mzazi pamoja na mama mjamzito.

Kamanda wa polisi mkoa wa Manyara SACP. George Katabazi amesema tukio hilo limetokea Machi 13 mwaka huu  katika kata ya Sirop wilayani Hanang’ mkoani Manyara. Amesema mtu huyo anadaiwa kuwa na matatizo ya afya ya akili ambapo jeshi hilo linaendelea na uchuguzi wa tukio hilo.

Aidha baadhi ya mashuhuda wamesema walisikia kelele kutoka katika tukio yalipofanyika mauaji hayo baada ya kufika  katika eneo hilo walimkuta mtuhumiwa huyo na kusema  tukio la namna hiyo ni la kwaza katika kijiji hicho.