Madereva bajaji waweka mgomo Babati

14 February 2024, 6:59 pm

Na Mzidalfa Zaid

Madereva bajaji wa halmshauri ya mji wa  Babati mkoani Manyara   wameandamana hadi katika ofisi za Chama Cha Mapinduzi baada ya kuweka mgomo wa kusafirisha abiria asubuhi ya leo wakidai kukamatwa katika eneo Changarawe njia ya kuelekea kata ya Magugu na maeneo mengine ndani ya mji wa Babati .

Mjumbe wa kamati ya umoja wa dereva bajaji halimashauri ya  Babati mjini Mohamed Abdallah  amesema wanalipia ushuru lakini hawajashirikishwa katika vikao vya latra na kupewa utaratibu wa usafirishaji.

Kufuatia maandamano hayo, katibu wa chama cha mapinduzi ccm wilaya ya Babati mjini Mohamed Cholage, amesema baada ya kupata malalamiko hayo wamewakutanisha na viongozi wa latra ambapo wamekubaliana kuyakutanisha makundi yote kwa pamoja na kujadili namna ya kutatua changamoto hiyo.