Wamebana Wameachia

28 October 2024, 8:28 pm

Na Joel Headman

Babati: Ndo ivyo bwana mchezo wa Ligi kuu ya NBC kati ya Fountain Gate na Mashujaa umetamatika hapa uwanja wa Tanzanite Kwaraa kwa sare maua ya 2-2

Fountain gate ndio wenye furaha zaidi baada ya kutanguliwa goli 2-1 mpaka dakika za nyongeza za kipindi cha pili kabla ya Salum Kihimbwa kuonyesha ukongwe wake kwenhe ligi.

Waalimu wa timu zote wamezungumza na Triple A fm kuhusu mchezo

Movie ilikuwa hivi;

Mpira ulianza kwa kasi na dk ya 15 Mashujaa wakapata goli kupitia Seif Rashid Karihe aliemalizia pasi safi kabisa ya Mohamed Stambuli.

Dakika 12 baadae Hassan Ali akafunga goli la 2 ambalo lilidumu mpaka dakika ya 34 pale Nicholas Gyan alipokwamisha nyavuni goli la 1 kwa Fountain Gate.

Kipindi cha pili kilianza kwa mabadiliko kadhaa ya pande zote mbili na matokeo yakaenda 2-1 hadi dakika ya 3 ya nyongeza kipindi cha pili baada ya Elie Mokono kuangushwa karibu na goli ambapo Salum Kihimbwa alipipiga mpira wa kutengwa uliozama moja kwa moja nyavuni

Mpaka Kipyenga cha mwisho cha Amina Kyando kinapulizwa magoli ni 2-2