Nina la kujivunia kwenye michezo-Makau

11 October 2026, 5:16 pm

Kwa kushirikiana na Mkuu wa Mkoa wa Arusha Amosi Makala aliamua kuipeleka timu ya Fountagate FC, Arusha ili kuendelea kuleta hamasa ya jiji hilo.

Na Katomali Nchimbi.

Manyara-Babati

Mkurugenzi mkuu wa Fountaingate Tanzania Japhet Mboto Makau amesema anajivunia kuwa mmoja wa mdau mkubwa wa kulea, kukuza na kuibua vipaji vya vijana na watoto katika shule zake za Fountaingate Academy and Sports.
Makau amezungumza hayo wakati wa sherehe za mahafari ya kuhitimu darasa la saba na pre unite yaliyofanyika Octoba 10,2026, Manyara katika viwanja vya shule hiyo vilivyopo eneo la mruki Babati mjini.

Amesema kwa kushirikiana na mkuu wa mkoa wa Arusha Amosi Makala aliamua kuipeleka timu ya fountagate fc, Arusha ili kuendelea kuleta hamasa ya jiji hilo ukizingatia kwa wakati huo Arusha hapakuwa na timu ya ligi kuu hivyo Fountangate ndio ilikuwa timu ya kwanza ya ligi kuu bara kuhamia jijini Arusha.

Kwa upande wake Principal wa shule hiyo Joseph Msafiri Mjingo amesema wameanzisha chuo cha Michezo na wameanza kwa kozi ya riadha na mpira wa miguu pamoja na wakufunzi wa michezo mbalimbali ili kusogeza fursa kwa wahitaji na kuendelea kujitangaza ndani hadi nje ya mipaka ya Tanzania.

Ameongeza kuwa kumekuwa na maombi mengi kwa sasa kutoka kwa wadau na wapenzi wa soka mkoani Manyara kuomba timu hiyo irejee tena mkuoni humo, hivyo yeye na viongozi wengine wanatafakari kwa kina ili waone jinsi gani wanaweza kukubaliana ili waweze kuirudisha tena timu hiyo mkoani Manyara.