Simulizi nzima Fountain Gate walivyopotea

6 November 2024, 8:52 am

Na Joel Headman – Babati

Haikuwa bahati tena kwa Fountain gate kuendeleza rekodi yao ya kutopoteza mchezo kwenye uwanja wa nyumbani mpaka ilipotamatishwa na Pamba jini jana.

Timu hizo zilianza mchezo kwa kushambuliana kwa zamu na kama kawaida Fountain gate wakapata goli la utangulizi dakika ya 28 ya mchezo kupitia Elie Mokono. Fountain gate wakiwa pungufu baada ya mchezaji wake Kassim Hamis kuzawadiwa kadi nyekundu dk ya 27 walishindwa kuhimili mashambulizi ya Pamba jiji na mpaka mchezo unatamatika wanatoka nyuma kwa goli 3-1 ikiwa ni ushindi wa kwanza wa Pamba toka ilipopanda ligi msimu huu.

Mwalimu wa Fountain Gate Mohamed Muya ameeleza kuwa vijana wake hawakufuata maelekezo na ndio sababu ya kupoteana uwanjani.

Kwa upande wake Felix Minziro kocha wa Pamba amefurahia ushindi huo akisema ni ishara nzuri kuelekea mchezo wao dhidi ya mnyama Simba.