Uvinza FM
  Stream radio
Menu
Uvinza FM
  2. Afya
  3. Washauriwa kuongeza kasi ulaji vyakula vyenye lishe bora

Washauriwa kuongeza kasi ulaji vyakula vyenye lishe bora

14 February 2025, 9:26 am

Picha ya baadhi ya wananchi waliohudhuria kikao cha tathmini kwa upande wa lishe katika wilaya ya Uvinza. Picha na Theresia Damas

Serikali imeendelea kusisitiza suala la ulaji wa vyakula vyenye lishe bora kwa wazazi na watoto.

Na Theresia Damas

Halmashauri ya Wilaya ya Uvinza imefanya tathmini ya kikao kuangazia lishe bora ikiwa na maazimio mbalimbali ikiwemo watoto kula shuleni ili kuwajenga kimwili na kiakili pia.

Picha ya Afisa lishe Dismas Pokela katika kikao cha tathmini ya lishe bora. Picha Theresia Damas

Akiendesha kikao hicho Afisa Lishe Dismas Pokela amesema viashiria ambavyo vimeonekana bado utekelezaji wake uko chini kwa asilimia 33.4 jambo ambalo ni hatari kwani watoto kutokula chakula shule inapelekea udhaifu wa mwili na kunyemelewa wa magonjwa ikiwemo kupungukiwa na damu.

Sauti ya Afisa lishe Dismas Pokela

Afisa Lishe huyo ameendelea na kusema jamii ijenge tabia ya kula vyakula vyenye virutubisho vya kujenga afya na kuweka mkazo kwa watoto kupata lishe shuleni ili kutokomeza utoro na kujenga afya imara.

Sauti ya Afisa lishe Dismas Pokela

Naye Kaimu Mkurugenzi wa Halmashauri ya Uvinza Ndg. Acland Kambili ambaye amesimamia kikao hicho  amewataka wananchi na watumishi wa afya waliohudhuria katika kikao hicho wakawe mabalozi kwa kutoa elimu kwa jamii huku akiomba wazazi wawe mstari mbele kuwapa watoto chakula lishe.

Picha upande wa kushoto ni Kaimu Mkurugenzi wa Halmashauri ya Uvinza Ndg. Acland Kambili pamoja na katibu wake aliyeshiriki katika kikao cha tathmini ya lishe bora. Picha Theresia Damas