Jamii yaaswa kula mboga za majani kuepuka magonjwa

15 January 2025, 10:11 pm

Kwa sababu mboga za majani zina madini mbalimbali yanayosaidia katika kuimarisha afya kwa ujumla.

Na Emmanuel Kamangu

Jamii katika halmashauri ya mji wa Kasulu mkoani Kigoma imeshauriwa kujenga tabia ya kula mbogamboja za majani kwa ajili ya kuimalisha mfumo wa kinga za mwili.

Amesema hayo afisa Lishe halmashauri ya mji wa kasulu Bw, Mwita chacha Range wakati akizungumza na uvinza fm ambapo amebainisha kuwa jamii ili kuweka vizuri utendaji wa mwili kuna kila sababu za kuweka kipaumbele cha ulaji wa mbogamboga za majani.

Aidha Bw, Range amesema kuwa  wa mama wajawazito  wakiwemo makundi rika wanapaswa kula mboga za majani  kwa wingi ili kuimalisha miili yao na kuikinga dhidi ya magonjwa.

Kwa upande wao baadhi ya wananchi wa halamshauri ya mji wa kasulu wamesema licha ya wataalamu wa afya kuendelea kutoa elimu juu ya wao kuelewa umuhimu wa ulaji wa mboga za majani ila bado  waliowengi elimu haijawafikia jambo linalopelekea  kuelewa kuwa kula  mboga za majaji ni umasikini.

Hata hivyo wameiomba serikali kuweka hamasa kwa kila kaya walau kuwa na bustani ya mboga za majani kwa ajili ya kula ili kuimalisha afya zao.