Uyui FM
  Stream radio
Menu
Uyui FM
  2. Uyui news
  3. UWT Tabora watembelea wodi ya mama na mtoto kituo cha afya Mailitano

UWT Tabora watembelea wodi ya mama na mtoto kituo cha afya Mailitano

12 February 2026, 11:04 pm

Na Zaituni Juma

Baadhi ya wajumbe wa UWT wilaya ya Tabora wakikabidhi bidhaa kwa mzazi, kituo cha afya Mailitano

Jumuiya ya Umoja wa Wanawake Tanzania (UWT) wilaya wa Tabora, leo Februari 12, 2026 imetembelea Kituo cha Afya Mailitano kata ya Ipuli, katika wodi ya mama na mtoto na kutoa misaada mbalimbali kwa akina mama wanaopatiwa huduma kituoni hapo.

Mwenyekiti wa UWT Wilaya ya Tabora, Mwl. Kulwa Kavula, akiongozana na viongozi na wanachama wa CCM wilaya ya Tabora, ameeleza wamefika kituoni hapo kwa lengo la kuwajulia hali wazazi waliojifungua na kuwapatia mahitaji muhimu kwa ajili ya uangalizi wa watoto wao ambapo sambamba na mambo hayo wamepanda miti ya matunda ili kutunza mazingira ya kituo hicho.

Mwenyekiti wa UWT Wilaya ya Tabora, Mwl. Kulwa Kavula akizungumza na waandishi wa habari
Sauti ya Mwl. Kulwa Kavula

Mgeni rasmi ambaye ni Afisa Maendeleo wilaya ya Tabora, Tumaini Mgaya amepongeza jitihada za UWT kwa kutembelea kituo hicho na kupanda miti ambayo itakuwa na faida kwa watumiaji wa huduma za afya kituoni hapo huku akiahidi kuwa Halmashauri ya Manispaa ya Tabora inaongeza juhudi kuhakikisha ujenzi wa majengo mapya unaoendelea, unamalizika kwa wakati.

Afisa Maendeleo wilaya ya Tabora, Tumaini Mgaya akiwa kwenye mahojiano na vyombo vya habari
Sauti ya Tumaini Mgaya
Wajumbe wa UWT wilaya ya Tabora wakishiriki zoezi la upandaji miti kituo cha Afya Mailitano

Wakizungumza na UFR, akina mama waliopokea misaada kutoka UWT wameshukuru na kupongeza uwepo wa kituo hicho cha afya umewasaidia wananchi wa Tabora kwani huduma zinazotolewa ni nzuri.

Mmoja wa wazazi akitoa shukrani na kupongeza huduma bora zinazotolewa kwenye kituo cha afya Mailitano
Sauti za baadhi ya akina mama waliopokea misaada