Wajumbe wa kamati ya maendeleo ya kata ya Bunda stoo halmashauri mji Bunda wampongeza Diwani

June 11, 2025, 10:52 am

“Hakuna sehemu ambayo miradi haijakamilika kwa kipindi cha miaka mitano miradi ya hospitali tumepeleka fedha na mitaa yote mitano iliyopo ndani ya kata ya Bunda stoo tumepeleka maji ” Flaviani Chacha Nyamigeko Diwani kata ya Bunda stoo.

Na Amos Marwa

Kata ya Bunda stoo Halmashauri ya Mji wa Bunda  imetumia kiasi cha fedha zaidi ya shiling bilion 5.7 katika utekelezaji  wa miradi ikiwemo hospitali ya mji wa Bunda, ujenzi wa shule ya msingi Miembeni, miradi ya maji, madaraja na miundombinu ya barabara kwa Mwaka 2021-2025.

Hayo yamebainishwa na diwani wa kata hiyo Flaviani Chacha Nyamigeko wakati akizungumza na wajumbe wa kamati ya maendeleo wa kata ya Bunda stoo kwenye hafla fupi ya kumpongeza diwani katika kipindi chote cha uongozi wa miaka mitano

Nae diwani wa kata ya Manyamanyama Yohana Machilu amesema mahusiano mazuri  aliyonayo diwani wa kata ya Bunda stoo na wadau mbali mbali wa maendeleo kumesaidia kutekeleza miradi kwa wakati.

Kamati hiyo ya Maendeleo imemzawadia diwani huyo zawadi mbali mbali ikiwemo suti, viatu  na blanketi ikiwa ni kuthamini mchango wa kazi yake ndani ya miaka mitano.